პროგრამის ხელმძღვანელობის მხრიდან მხოლოდ 3 დღე დასჭირდა საკითხის დადებითად გადაწყვეტას. ინტეგრირებული ბანაკი, რომელიც 26აპრილს დაიწყო და გაგრძელდება 30 აპრილამდე, მიმდინარეობს სრული დატვირთვით, მეტად საინტერესოდ და ნაყოფიერად. სპეციალურად შერჩეული თემატიკითა და სატრენინგო მასალებით(სადაც გათვალისწინებულია მიმართვის წერილში გამოთქმული მოთხოვნები). ბანაკში ჩართულია რეგიონის ქართველი და არაქართველი პედაგოგები და მათი მოსწავლეები. ჩემთვის, როგორც რეგიონალური კოორდინატორისთვის მეტად საინტერესო იყო, მათთან გატარებული დღე. მნიშვნელოვანი იყო მათი ჩართულობა სხვადასხვა აქტივობებში, მათი ერთობლვი მუშაობა მომავალ საპროექტო განაცხადზე. გარემო არის კომფორტული, ურთიერთთანამშრომლობითი და მეგობრული.
მინდა მადლობა გადავუხადო არამარტო ბანაკში მონაწილე პედაგოგებისა და მოსწავლეების, არამედ მთელი რეგიონის სახელით: PH International-ს, პროექტის ხელმძღვანელს მარინა უშვერიძეს, ქვემო ქართლის რეგიონის სკაუტურ ორგანიზაციას, მათ კოორდინატორებს, ფასილიტატორებს, სამოქალაქო განათლების ტრენერებს: თეა ლობჟანიძესა და ცირა თავშავაძეს, ჩვენი მოთხოვნების გაზიარებისა და მხარდაჭერისათვის. აგრეთვე ჰარმონიული გარემოს შექმნისათვის, რომელიც ეხმარება მონაწილე მხარეებს, აქტიური მოქალაქეობრივი პოზიციის ჩამოყალიბებასა და ფორმირებაში.
P.S თუ რა მოლოდინები აქვთ ამ ბანაკის შემდგომ ქართველ და არაქართველ პედაგოგებსა და მოსწავლეებს, იხილეთ სურათები და ვიდეო მასალა, რომელიც გადავიღეთ ინტეგრირებული ბანაკის მიმდინარეობის დროს.
No comments:
Post a Comment