27 აპრილს ქ.რუსთავში გაიმართა სამოქალაქო განათლებისა და პედაგოგთა გადამზადების პროგრამის ფარგლებში ახალგაზრდული ფორუმი, რომელსაც ახორციელებდა PH International, აშშ საერთაშორისო განვითარების სააგენტოს(USAID) დაფინანსებით. პროგრამის პარტნიორი ორგანიზაცია ქვემო ქართლში კი არის სიქა. ფორუმის დაწყებისთანავე მოწვეული სკოლები გადაგვანაწილეს 5 ჯგუფში, სადაც უნდა გვემუშავა ჩვენთვის ყველაზე აქტუალურ პრობლემაზე, რომელიც რათქმაუნდა შემოთავაზებული იყო სიქას მიერ. ჩვენმა გუნდმა, რომელშიც შედიოდა: #15, #24 და #26 სკოლები ავირჩიეთ: გარემოს დაცვა, რადგან ეს პრობლემა არამარტო საქართველოში( ჩვენს ქალაქში), არამედ მთელს მსფლიოში არის აქტუალური ანუ გლობალური პრობლემაა. გუნდში ვმუშაობდით შემდეგი მინიშნებებით:
1. ავღწერეთ თუ რა სახისაა პრობლემა?
2.ვის შეიძლება მივმართოთ მის მოსაგვარებლად?
3. რა რესურსები დაგვჭირდება?
და მრავალი სხვა. რამდენიმე საათიანი მუშაობის შემდეგ კი გავაკეთეთ ფორმატი, სადაც ნათლად იყო ასახული ყველა ის კრიტერიუმი რომელიც ზემოთ აღვნიშნე. ბოლოს თითოეული გუნდიდან ორ-ორმა წევრმა მოვახდინეთ პრეზენტაცია, რომელსაც აფასებდნენ შემდეგი მოწვეული სტუმრები: ახალგაზრდა იურისტების რუსთავის ფილიალის დირექტორი: ეკა ფავლენიშვილი, კაფე-ბარ ბიზარის აღმასრულებელი დირექტორი: კახა ფაშურიშვილი, რუსთავის მერიისა და ჯეობიტის წარმომადგენლები.ფორუმის ბოლოს თითოეულ მონაწილეს გადმოგვეცა სეთიფიკატები.
დღემ ძალიან საინტერესოდ, ნაყოფიერად და მხიარულად ჩაიარა. ჩვენი მიზანი: პრობლემის მოძიება, მისი მკაფიოდ წარმოჩინება და გუნდურად მუშაობა მიღწეული იქნა.
P.S. ჩვენი მუშაობის პროცესი გაშუქებული იქნა რუსთავის ტელევიზიის მიერ.
No comments:
Post a Comment